彈彈面膜

懶人都鍾意用懶方法，扮靚都唔例外，面膜紙嘅旦生就係因為世界上有好多同我一樣咁懶嘅人，敷上面上就搞掂，唔駛洗唔駛抹，仲可以帶住佢周圍去，去到邊敷到邊，用完即棄，啱哂現代人。今次用咗OLAY淨白淡斑舒展面膜，最鍾意佢彈彈的質地，而且係完完整整一片，冇喺啲邊邊位度開刀，敷上面上感覺好貼好舒服，唔會好似普通紙狀面膜東飛起一角、西又甩咁一忽，加上佢夠哂柔軟厚身，就算喺冷氣下敷半個鐘都唔會乾或者變硬，直得一讚！敷完皮膚幾水潤，而且白淨，效果唔錯。

附帶一提，買面膜時送了同系列 toner同 lotion的試用裝，感覺麻麻，有啲黐立立，試咗一次之後就冇再用喇。