已經好耐好耐冇染過髮，自從剪短咗頭髮之後就冇做過color，除咗因為早兩年興黑之外，最大原因係怕頭髮一長咗少少就變兩截色好肉酸，又要補染，你都知我有幾懶架啦，咁就索性唔攪。但係我份人好矛盾，成日keep住一個look又覺得好悶，尤其是當髮型越剪越短，短到冇得再變型，要等到留番長又有排等喎，結果都係忍唔住要搵啲攪作。
今日試咗Henna Plus隻永久性染髮霜，好多顏色可以揀，都唔知揀咩好，最後揀咗玉桂金色，因為cinnamon係我的最愛 =P。好多人怕自己染髮麻煩，其實我覺得都好簡單吖，將兩支嘢mix好唧落頭髮度搽勻，40分鐘後沖水同落color fix護髮素就搞掂，一盒裡面已經有哂所有要用嘅嘢，咩都唔駛預備，超方便。可能因為我用嗰隻色唔係好深，染髮劑掂到皮膚都冇留低顏色洗唔甩，我仲要係染完先知自己唔記得除耳環，但一啲事都冇喎。我覺得佢最好嘅地方係染完之後頭髮好柔順，顏色有光澤，唔會攪到頭髮旱哂，而且仲好香添。哩個牌子最大賣點係成份安全，不含有毒物質，我諗最啱俾媽咪用嚟染白頭髮，三個月染一次好方便，又用得放心。
Henna Plus 永久性天然染髮霜-玉桂金色
$84.6
from 愛美麗網
沒有留言:
發佈留言