士多啤梨乳酪面膜

草莓乳酪面膜雖然唔係新出品，但總算係Laneige嘅皇牌之一，單憑佢嘅香甜士多啤梨味，相信已經可以迷倒不少女生。近排可能因為由朝到黑都開冷氣，保濕搽得唔夠，搞到塊面好乾又好嚡，好彩屋企有mask敷吓。哩隻mask含有乳酸，係溫和嘅換膚成份，唔會好似果酸咁刺激皮膚，但仍可以軟化同清走死皮。敷15分鐘享受吓士多啤梨香味，mask會變乾，哩個時候唔好即刻洗走佢，先濕少少水打圏按摩幾分鐘，佢嘅磨砂粒粒可以將之前軟化咗嘅表皮捽走，而且按摩可以幫助養份吸收，捽完之後用清水沖乾淨，皮膚軟滑好多又冇咁暗啞，毛孔都收細咗，跟住再搽護膚品都吸收得快啲。