歡迎加入我的扮靚Blog,請到Facebook接收更新,同埋多多入嚟留言 =)

2010年6月9日星期三

除疤直擊前傳

話說大半年前,有一晚瞓瞓吓覺,忽然覺得被人用利器襲擊,手臂一陣刺痛,即時睜開眼睇吓發生咩事,原來係隻貓唔知因為反瞓定係跳高不遂,由高處轆咗落嚟,抓到我隻手,無奈地又喺眾多傷痕中多加一道長長的疤,真係無啦啦 -_-" 為咗彌補創傷,我買咗支秀碧除疤膏諗住試吓work唔work,好可惜我嘅策略失敗,身上十多道疤痕要搽藥膏實在費時,只係堅持咗個幾星期,最終無法完成大計。

今次重新開始計劃,揀咗三個部位三種唔同嘅疤痕做測試,如果真係有效先至擴充營業。
疤痕1:貓疤,手背上好深嘅界痕,凹陷型,已10年
疤痕2:PK疤,細個跌親留低喺手踭上嘅疤痕,凸出型,20幾年
疤痕3:暗瘡疤,大家最關心嘅品種,人人唔多唔少都會有一兩粒在面上,約2年


測試將為期一個月,按產品說明每日搽3次,結果將會在此公佈。

6 則留言:

  1. 我問過我的皮膚科醫生,佢話除疤膏對凹陷型疤痕無用架.不過你可以用你的測試證實一下.
    ~Jose =>

    回覆刪除
  2. 即管試下啦,我條貓疤都未至於係成忽肉冇咗嗰隻咁嚴重嘅

    回覆刪除
  3. 我塊面之前做lasar facial時留低左一條紅色既痕,唔知呢枝野得唔得呢~~

    回覆刪除
  4. 紅色痕係唔係由傷口做成呢? 定係只有顏色? 可能美白/去斑已經ok

    回覆刪除
  5. 顏色囉,耐唔耐又會有少少痕, SO都唔敢亂搽野~~><

    回覆刪除
  6. 我諗你係灼傷,laser一吓勁得滯就會灼傷皮膚,我以前被燙斗辣親都試過有條印,你話痕我就醒起喇,不過我過咗一排就自動好番。
    哩支藥膏話可以for你哩啲case用。

    回覆刪除