歡迎加入我的扮靚Blog,請到Facebook接收更新,同埋多多入嚟留言 =)

2010年5月9日星期日

夏日Show Time

夏天又到,背心短裙熱褲又係時候出場,積壓咗喺衣櫃咁耐要重見天日喇!同一時間雙腿都要擺脫legging同長boot出嚟見人,keep fit當然唔少得啦,除此之外都要扮吓靚,以最美一面登場。首先就梗係要清除礙眼嘅毛毛啦,我係Veet嘅忠實fans,用咗好多年,最鍾意用wax strips,一貼一撕就搞掂,又快又乾淨,起初用覺得幾痛,但用用吓慣咗已經冇乜嘢,重點係越用毛毛生得越來越少,而且連啲粒粒都可以黐走埋,依家我用一次起碼可以keep兩三個月。不過wax strips只係適用於腿部,其他細area如手臂等好難黐,又唔就手,我就用脫毛膏代替,但脫毛膏其實只係軟化咗啲毛毛然後刮斷佢,唔係連根拔起,效果唔係好持久。如果皮膚好容易敏感,最好就唔好用以上兩樣嘢喇。

Veet 脫毛Wax Strips及Gel Cream
from Bonjour
$85.80 & $69.90

第二步就係body scrub,每個星期磨一次可以清走死皮同暗粒,尤其是膝頭同手踭位,磨完會白滑好多。我用緊Borghese Salt Scrub,幾鍾意佢種香味,佢啲磨砂粒係海鹽,效果唔錯。買咗好耐,已經唔記得價錢。




皮膚乾但夏天又唔想搽lotion,我揀oil mist,最啱噴手腳,噴完唔會出現蛇皮紋或者白色甩皮咁肉酸,潤膚之餘仲可以有啲"立立令"效果,好似著咗絲襪,又滑又爽。


Olive Oil Dry Oil Mist
from Body Shop
$99





最後再俾啲keep fit tips大家,做帶氧運動減肥好大家都知,如果鍾意做gym,cross training同step兩種機都係唔錯嘅選擇,每次做30-45分鐘就差唔多,但提醒大家做嘅時候腳踭千祈唔好離開塊踏板,健身教練教路提起腳踭用腳尖踩會令小腿變粗,肌肉一舊舊,我以前都冇留意,依家識得就住喇。

3 則留言:

  1. Olive Oil Dry Oil Mist <--呢枝好似幾好喎, 我係好怕搽BODY LOTION的人~~
    會唔會有D咩味?我好怕D奇怪味~

    回覆刪除
  2. 都幾香,清清地,以前有提子味架,不過依家得番一種。舒服過搽lotion好多,噴完捽兩吓就乾爽哂

    回覆刪除
  3. 我去試過啦,可能我唔係好吸收,有少少立,SO 唔敢買。BUT噴完真係好閃~~

    回覆刪除